مادونا الكويتيه
شفيهم ربعنا خاروها بأسامي بناتهم .. عسا ما شر انهبلتوا
كل وحده تبي تطلع طلعة يديدة وتسمي بنتها أسم لم يعرفهم الاولون والاخرون
والسابقون واللاحقون
واول شي تفكر فيه الام الكول ان تسمي بنتها اسم غريب .. يعني من وين نحصل أسماء غريبه
وهذي آخرتها
أقرأ الجريده اليوم ولا وحده أسمها أندريا
أندريا .. بالله عليكم هذا اسم وحده كويتيه
مو ناقص الا شكيرا ومادونا وكرستينا وبرتني سبيرس
وبعدين أندريا أسم كلش ما فيه أنوثه .. كأنه واحد مكسيكي مشلخ الوجه .. أفطس الانف .. قبيح المنظر ..عفن المخبر من اللي أشوفهم يوميا في الشوارع..
خلصت الاسامي ..تقلقلت حلوجكم و سليمه تصكم
وين منيره وعايشه ومريم وساره ونوره .. شفيها الاسماء هذي
غصب تبون أسم غريب
الله يستر لا يطلعلي ولد خاله اسمه ليوناردو .. أو ولد عم اسمه خوسيه .. والله في هالزمن كل شي جايز
17 Comments:
صح لسانك
والأسماء تنبئ عن معادن الناس
معادن الآباء والأمهات بالأحرى
ومن بر الأب بابنائه أن يحسن تسميتهم
والله ما تدرى يمكن امها امريكيه
q8 links,
صح بدنك
Forzaq8,
ممكن
لكن ما أتكلم عنها بروحه
في موضة منتشرة في الكويت وهي كل وحده تبي تسمي بنتها اسم غريب
heh :)
اي شييي !! كويتية اسمها اندريا .. اخاف بدرية بس خطأ مطبعي !!
الله يغربل ابليس صج عقد نفسية .. كل شي ايي من الشقران الي عيونهم خضر حلو حتى الأسامي !!
تذكرت احدى خطب الجمعة عن مدير تحرير جريدة محلية عندنا اسمه عمر واشنطن !! يقول الخطيب انا رحت للرجل وسلمت عليه وشلونك برذر ..قاله انا مو مسلم !! ليييش تنصرت ؟! قاله انا اساسا مولد نصراني !! عيل ليش اسمك عمر ؟؟ قاله ابوي كان مهتم بالإسلام فقرا عنه وايد واعجب بشخصيات الصحابة فسمى عياله باسماء الخلفاء الراشدين على الرغم من انه ما اقتنع بالإسلام ككل !! فسبحان الله النصارى يفخرون باسامينا واحنا نتلزق فيهم غصب طيب !!ـ
زين دام تبون اسماء غريبة ليش تروحون بعيد .. عندكم شاندرا وكساندرا وميري و تريزا ونالني وسرياني و غيرها من الاسامي الي تحصلونها بكتلوجات مكاتب الخدم !!ـ يعني الاسم الغريب مايصير حلو الا اذا كان من الشقران ؟!ـ
خدامتنا قبل اسمها
سينما
سمو سينما عادي في بنات اسمهم شقحه ؟
هم زين الاسم
Ambitious,
لا والله أندريا
والافارقة وايد يستخدمون أسامي عربيه وهم غير مسلمين
مثل
جمال, رشيد , حليمه , أمينة وغيرها من الاسماء
Edelstein,
تالين .. الله يهداهم بس .. وتاليتها معاهم
المشكلة البنت اللي بتعقد
Q8LoVeR,
lool
سينما .. الله يقطع بليسك
ذكرتني بالوالدة .. كل ما يابت خدامه اسمها لك عليه .. غيرت اسمها وقامت تناديها باسم ثاني
بس حلو وحده كويتيه اسمها سينما واختها اسمها فردوس
maskeena cause ahalha el'3al6aneen wala ehe malha thanb
bas 7ta elbado 3indihom asami 3ajeeba !
ashwa ene '3aneema o etha ritha obo le3yal fa ra7 asameehom enshallah asami 3ateeja
قبل حوالي خمس سنوات
او كثر
في اولى ابتدائي في مدرسة بالجهراء
التحق بالمدرسة طفلتين خوات
اسمهم فسوه وفسيوه !!
الناظره والمدرسه احتجت بشدة على هالاسماء
وتم استدعاء ولي الامر وتم تغيير اسماء البنات غصبن عن الابو
هالابو سما بناته هالاسم لانه كل ييونه بنات
وكان يبي ييله ولد
فلما يوه بنتين توم
حقد
وسماهم هالاسم
Qaneema,
اي والله مالها ذنب
تقعد طول عمرها تفكر اغير اسمي ولا ما أغيره
والله ما في احلى من أسامينا العتيجه
7amee elDyar,
والله هذا مو صاحي
شنو ذنب البنات
والله لو عندي سلطة لاغير أسمه غصب
وأسميه أسم أخليه تلثم لقاله للناس علشان تأدب
ناس ما تستحي
درب الزلق ،، معاك ولد خالتك ليوناردو دافنشي ،،احنا آباؤنا سمونا احسن الأسماء التي تناسب البيئة و المجتمع بالرغم من وجود الأسماء الغربية ، اليوم الاب و الام لا يتفقان علي شيئ و هم لا يتصوران ان ما سيقع علية اختيارهم لاسم لابناؤهم سيؤثر و بشكل كبير علي هذا المولود في المستقبل فالعيب من الأب و الأم معا في جهلهم ،،،ملاحظة الجهل لا يعني انك غير متعلم،،،تحياتي
درب الزلق ولد خالتك اسمة دافنشي و يعنتز بة لا نة اسم لعالم كبير يحاول ان يتعلم منة.
دافنشي
يا هلا والله بليوناردو
يا محاسن الصدف
:)
اتفق معاك أن اللوم يقع على الاباء ويدفع الابناء الثمن مع الاسف
This comment has been removed by a blog administrator.
هههههههههههههههههههههههههه
موتوني من الظحك هههههههههههههههههههههههههههههههه
استغفر الله يا ربي بس وحمد الله والشكر
والله انا باليوم تييني اسماء بالهبل وانا قاعده بالدوام اقول يا ربي من وين اييبن هالاسامي ههههههه
استغفر الله يا ربي بس ....!!
يعطيك العافيه امرؤ القيس...:)
Great site lots of usefull infomation here.
»
I'm impressed with your site, very nice graphics!
»
Your are Nice. And so is your site! Maybe you need some more pictures. Will return in the near future.
»
Post a Comment
<< Home