ذكريات
هذا موضوع رائع منقول .. لكن وأنا أقرا الموضوع انصدمت وكأني أنا اللي كاتب الموضوع .. فكثير من المواقف تتشابه كثيرا مع المواقف اللي مريت فيها أيام الطفولة .. ولو أني أدري أنا أخوي ما يكتب لقلت أن أخوي هو اللي كاتب الموضوع .. يبدو أن المواقف اللي مرت في حياتي تتشابه كثيرا مع أبناء جيلي
____________________________________
تذكرون لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العض
اللي توارص منها
تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر ووصاخه وبعدين يقصلك الصورة بالآله اللي عنده ام ذراع والاطراف مشرشره يعني يكون حركه
تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس ..... صج كان منهج صعب
تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع بلاستر وباندج
تذكرون المعجون الصغير اللي ريحته تبط الراس ومعاه عود لونه احمر وكنا نبطله بالمقلوب ونرعصه ونلف العود عليه وننفخ عشان نسوي تفاخيه وطبعا لاتفاخيه ولا قالها الله لين تطلع بلاعيمك منه
تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق خدامتكم تلاقي اصابيعك اتعربك.....صج كانت معاناة بالعيشه
تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ
تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك
تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال
تذكرون عزايم قبل والصماط المفروش على كبر الحوش اللي على صورة ميوه = فواكه وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس
تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود ها فلان تكنها ولا ما تكنها لووول شدعوه شي زين عاد ...وكان لازم مالبورو احمر شعار الرجوله
تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين على كل الكتاب وين الشي المهم مادري لوووول
تذكرون اول ما يبوق الصبيان سيارة الوالد كانت الريل اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم.... واديلوووووو بريك وبانزين
تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه
تذكرون لما يقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا نشقها خير شر من الكتاب.....شدعوه هالحقد عاد
تذكرون لما اتهاوش مع ولد جيرانكم وتقوله وخر عن بيتنا وعن رصيفنا يقولك مو رصيفكم هذا رصيف الحكومه.....كلام منطقي الصراحه لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ
تذكرون كمبوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول
تذكرون لما يروحون الصبيان السوق مع الوالد يشتري لهم خامات حق العيد ...اخر شي شاري طاقه كامله نفس اللونوتشوف باول يوم العيد من الوالد لي الاخو الصغير نفس الدشاديش تقول فرقة التلفزيون لوووووول
تذكرون الحريم قبل لما كانوا يلبسون حجاب بوربطه والنظارات هااااااااااااااااالكبر تقول داشين فلم 3دايمنشن ..... والحين قاموا يخشون صورهم ولا يشقونهم من الفشله لووووول
تذكرون شامبو درين اللي بغرشه حمره مادري ورديه يعني كان كشخه بس ياوووووووووويلك يحوش عيونك 3 ايام انت عمي لوووووول
تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم لووووووووووول
تذكرون المسجل السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف ترررررن تررررررن سكشن فايف.....هاي سوبر فالكون ههههههههه
تذكرون السشوار البيج بو جنطه بيضه تقول لاب توب مع الهوز جنه خرطوم طياره تشغله قبله بيوم عشان يصير حـــار لوووووووووول
تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه
تذكرون لي طاح ضرسك قبل تقولك امك مسكه وقطه فوق وقول يارب اخذ ضرس الحمار وعطني ضرس غزال........واخر شي طايح مره ثانيه يم ريولك لوووووووووول
تذكرون لما البنات كانو يلبسون ثوب الصلاه عشان يصلون وشباصاتهم طامره تقول اذون فار ههههههههه
تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر ووصاخه وبعدين يقصلك الصورة بالآله اللي عنده ام ذراع والاطراف مشرشره يعني يكون حركه
تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس ..... صج كان منهج صعب
تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع بلاستر وباندج
تذكرون المعجون الصغير اللي ريحته تبط الراس ومعاه عود لونه احمر وكنا نبطله بالمقلوب ونرعصه ونلف العود عليه وننفخ عشان نسوي تفاخيه وطبعا لاتفاخيه ولا قالها الله لين تطلع بلاعيمك منه
تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق خدامتكم تلاقي اصابيعك اتعربك.....صج كانت معاناة بالعيشه
تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ
تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك
تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال
تذكرون عزايم قبل والصماط المفروش على كبر الحوش اللي على صورة ميوه = فواكه وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس
تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود ها فلان تكنها ولا ما تكنها لووول شدعوه شي زين عاد ...وكان لازم مالبورو احمر شعار الرجوله
تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين على كل الكتاب وين الشي المهم مادري لوووول
تذكرون اول ما يبوق الصبيان سيارة الوالد كانت الريل اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم.... واديلوووووو بريك وبانزين
تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه
تذكرون لما يقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا نشقها خير شر من الكتاب.....شدعوه هالحقد عاد
تذكرون لما اتهاوش مع ولد جيرانكم وتقوله وخر عن بيتنا وعن رصيفنا يقولك مو رصيفكم هذا رصيف الحكومه.....كلام منطقي الصراحه لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ
تذكرون كمبوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول
تذكرون لما يروحون الصبيان السوق مع الوالد يشتري لهم خامات حق العيد ...اخر شي شاري طاقه كامله نفس اللونوتشوف باول يوم العيد من الوالد لي الاخو الصغير نفس الدشاديش تقول فرقة التلفزيون لوووووول
تذكرون الحريم قبل لما كانوا يلبسون حجاب بوربطه والنظارات هااااااااااااااااالكبر تقول داشين فلم 3دايمنشن ..... والحين قاموا يخشون صورهم ولا يشقونهم من الفشله لووووول
تذكرون شامبو درين اللي بغرشه حمره مادري ورديه يعني كان كشخه بس ياوووووووووويلك يحوش عيونك 3 ايام انت عمي لوووووول
تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم لووووووووووول
تذكرون المسجل السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف ترررررن تررررررن سكشن فايف.....هاي سوبر فالكون ههههههههه
تذكرون السشوار البيج بو جنطه بيضه تقول لاب توب مع الهوز جنه خرطوم طياره تشغله قبله بيوم عشان يصير حـــار لوووووووووول
تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه
تذكرون لي طاح ضرسك قبل تقولك امك مسكه وقطه فوق وقول يارب اخذ ضرس الحمار وعطني ضرس غزال........واخر شي طايح مره ثانيه يم ريولك لوووووووووول
تذكرون لما البنات كانو يلبسون ثوب الصلاه عشان يصلون وشباصاتهم طامره تقول اذون فار ههههههههه
posted by امرؤ القيس @ 2:31 PM
16 Comments:
LOL
وصلني هالإيميل قبل شهور و هم وصلني قبل يومين
صج اللي كاتبه تعبان عليه
انا من اللي الحقوا على أغلب هالأمور
:)
لووووووووووول
ظحكتني...:)
اهم شيء تافاتي في تاتي هههههههه ذكرتني بابلة الموسيقى قطيعه لوول
وعلى سالفة ثوب الصلاة والشباصة ناقزة من ورى ليلحين ترى لووووول
"تذكرون المعجون الصغير اللي ريحته تبط الراس ومعاه عود لونه احمر وكنا نبطله بالمقلوب ونرعصه ونلف العود عليه وننفخ عشان نسوي تفاخيه وطبعا لاتفاخيه ولا قالها الله لين تطلع بلاعيمك منه"
قبل فتره لقيته بسوق شعبي بالرياض .. يا انا تشققت .. واخذت منه كرتون
من جد هو الشي الوحيد اللي يذكرني بطفولتي الجداويه
:)
eb9ara7a,
اي والله تعبان عليه
تلخيص لمرحلة الطفولة بطريقة رائعه
Q8ya,
lool
حصة الموسيقي كانت في قمة الفشل
وانا كنت فاشل موسيقيا وثلاثه أرباع الصف معاي
والمدرس ماله خلقنا
يقعدنا ويأخذ اثنين ثلاثه يعلمهم العزف
المسكين مصدق حالة اتقول بتهوفن
~ se3loah ~,
المعجون عجيب لكن مشكلته ان ريحته خايسه
ما شاء الله عليج ما خذه كرتون كامل
:)
لووووول
تصدق كل هالسوالف سويناها
ولا عاد شامبو درين اذا طاحت الغرشه وانكسرت اييك طراااااق ما تدري من وين
وكعكي لما نقلده
وابله الموسيقى ليش ما اسوي التمرين التعيس كانت توقفني لما تخلص الحصه
واذكر مرة رفيجتي قاعده يمي بحصة الموسيقي من الخبال الزايد قاعده تحط الدبوس المدور اللي حق الوسايل بحلجها طبعا ما خذته من الطوفه اللي وراها المهم شصار فيها نغرس الدبوس بصقف حلجها ككككككككككككككككك عاد أنا صرت البطلة وقلت حق الابله بروح اوديها العيادة طبعا مو لله بس ابي الفكه من الحصه لووووووووووووووووووووول
بس ترى كنا عايشين طفولتنا وكانت
بريئه نحاول نونس روحنا باقل شي مو ألحين اليهال يخرعون ما تقدر تقول كلمه وحده ياكلك بقشورك
يعطيك العافية ذكرتنا بذكريات حلوة
لا تستغرب عزيزي فلست كويتياً لكن الرجل يلخص أحداث طفولتي, كم اشتقت لتلكم الأيام (سقاها الله من أيام) واليوم انكر على الأطفال أنهم ينسلخون من طفولتهم مبكراً.. والله أيامنا أجمل ومغامراتنا تتعدى السوني والإكس بوكس.
ريم الاوطان,
قبل ايام كنت اتمشي في احد محلات الالكترونيات في أمريكا
جان أشوف أتاري .. والله كان لها طعم وبعدها تطورنا لكمبيوتر صخر وبعدين اوميغا .. ذكريات حلوه
المحاميه,
والله حصة الموسيقي ما كان لها داعي وزين انها الغيت
الفايده الوحيده ان كنا نضحك على ربعنا اللي يعزفون السلام الوطني كل يوم
ناس فاضيه
:)
Raed,
لا لست مستغربا فالعادات في الخليج لاتختلف كثيرا عنها في السعوديه أو أي دولة أخرى
وجميل أن يعيش الانسان طفولته
ها ها ها
ذكريات غبره بغبره
عموما نتشرف بزيارتكم لمدونتنا(يالله من فضلك)
http://wakee7.blogspot.com/
wakee7,
موفق في مدونتك
وسعدت بزيارتك
Flashback 3ajeeeb!
هذه طفولتي بالحرف... ما عدا شامبو درين
Zaydoun,
والله مثلك ما أذكر دارين
أذكر جونسون اند جونسون اللي ما يخليك تدمع
دارين الظاهر شامبو الجيل اللي قبلنا بشوي
والله عيني دمعت .. ذكرياااااات حلوه :)
Your are Excellent. And so is your site! Keep up the good work. Bookmarked.
»
Very best site. Keep working. Will return in the near future.
»
Cool guestbook, interesting information... Keep it UP
»
Keep up the good work Tooth+whitening+akron+ohio Can i have an ira a 401k Payless online payment http://www.mercedesturkiye.info Clomid christian counseling multiples Printable sport colouring pictures Hummer sut tonneau covers Weleda birch cellulite oil retirement places of planning Budget earphones Stop smoking hypnotherapist retirement planning philadelphia retirement plan for a professional association acceptable credit scores for a home loan payday loan american funds plan retirement California student debt loan consolidation13191 Women 27s massimo sweaters
Post a Comment
<< Home